أرشيف | 11:59 ص

بمناسبة ذكرى انعقاد المؤتمر السابع لحركة فتح العيب فينا وبقيادتنا … العيب فينا وبقيادتنا …

26 نوفمبر
Image processed by CodeCarvings Piczard ### FREE Community Edition ### on 2016-06-02 09:16:01Z | | $²

كتب هشام ساق الله – بمناسبة مرور عامين على انعقاد المؤتمر السابع لحركة فتج انه يفترض اننا انتهينا من جماعة محمد دحلان جميعا وتم ابعادهم عن المستويات الرسميه لحركة فتح ولكن للأسف لم يتم استغلال هذه الفرصة التاريخية التي لن تتكرر بيوم من الأيام ولم تقم حركتنا وقيادتنا بمعالجة اثار هذا الخروج والاستبعاد وتركوهم ينموا ويتفاعلوا ويكونوا تيار إصلاحي يحمل اسم حركة فتح العيب فينا يا اخوان العيب فينا وبقيادتنا وبمعالجتنا .
للأسف الشديد لم تعطي اللجنة المركزية لحركة فتح ولا الهيئة القياديه التي تم اختيارها على أساس انهم جميعا معادين لمحمد دحلان وجماعته ويفترض انه لا يوجد احد فيهم مفحجين وتم تكيف المؤتمرات في الأقاليم على هذا الأساس وكذلك يفترض ان كل مخرجاتها من لجان الأقاليم في كل قطاع غزه من الكوادر البعيدة عن دحلان العيب فينا مش بحبايبنا اننا لانتابع ولا نفعل أي شيء لانقدر الخطر باختصار التشكيلة التنظيمية من الأول للأخر لا يريدوا العمل .
كيف يمكن لسقط بالمجلس الثوري احد مخرجات المؤتمر الثوري ان ينشطوا حركة فتح ويفعلوها ويعملوا ضد كل الظواهر الانشقاقية والشللي بشكل تنظيمي العيب فينا صدقوني العيب فينا وفي اللجنه المركزية النائمة المخصي التي لم تقدر حجم نموا دحلان وجماعته وتركوهم يرعوا ويقوموا باستقطاب احلى شباب في حركة فتح بحجة الإصلاح والاستناد الى الحالة الميته لتنظيم حركة فتح في قطاع غزه .
العيب فينا في قيادتنا التي بنت على الباطل والخطأ واستجلبت قياده فاشله لا تعمل بمنطق الطاولة عمل جماعي فقط يعملوا عطاره ونفاق تنظيمي لإرضاء القادة والقائد بدون ان يفعلوا شيء لوقف ظاهرة نمو وزيادة جماعة انشقاقيه وانفصاليه في حركة فتح لا يوجد أداء تنظيمي جيد يقنع القواعد التنظيمية المستبعدة عن تنظيمهم الذي يعشقوه فتح والسبب انه لا يريدوا الخروج من البكسة بشبر واحد حتى يوسعوا مشاركة قواعد حركة فتح ما احنا عارفين كثير من اتباع المفصول دحلان هم من استاءوا لحركة فتح وكثير منهم وجوه من سقطوا تنظيميا تم استقطابهم وجلبهم ضد الحركه العيب فينا وبقيادتنا التي تتجاهل الكادر المخلص للحركة فبالإمكان حصارهم وانهاء ظاهرتهم فقط بالعمل الصحيح .
العيب فينا من زمان كان محمد دحلان بيربي جيل في داخل حركة فتح على الانشقاق والخروج من الحركة والتمحور حول شخصه وعبادة الشخص من زمان من أيام الوقائي حين كان يأتي بالرتب العسكرية والمدنية لمجموعة كبيره من أبناء الحركة الا ما رحم ربي الذين لم يخدمهم واندفعوا خلفه من اجل فتح وحب فتح والتغيير والإصلاح للأسف هؤلاء ولائهم فقط لمحمد دحلان ودائرته الضيقه جدا .
العيب فينا وبقيادتنا تذكروا يوم خرج دحلان وقال الاقاويل على الشهيد ياسر عرفات بالفترة الأخيرة من عمره تذكروا المسيرات والحملة الإعلامية التي شنت ايامها ضد ياسر عرفات وكانت يومها متحالفة مع الرئيس محمود عباس قبل ان يكتشف حقيقته .
العيب فينا ان قيادتنا بدها فقط تحسب انها ضد دحلان ونهجه وتوجهه ولا تريد العمل في القواعد التنظيمية العيب فينا لما يتم وضع الرجل الغير مناسب بالمكان المناسب للتصدي لظاهرة الانشقاق الفتحاوي الجديد لم يعد الانشقاق خروج وقتال بالسلاح كما حدث أيام ابوموسى وانشقاقه الانشقاق الان جديد وحديث يحتاج الى أداء افضل وعمل بالقواعد التنظيمية ضد هذه الظاهرة وحصارها وانهائها بعودة فتح التي يطمح لها الجميع ويتمناها .
العيب فينا وبقيادتنا الي فرضت عقوبات وبيقول الحمد الله انه لا يوجد عجابات العقبات موجوده تتمثل بالموظفين الملتصقين بالشرعية يتقاضوا نصف راتب منذ اكثر من عام هناك عقوبات حين يتم إحالة عشرات الاف الكوادر من أبناء حركة فتح للتقاعد وتقاضي 70 بالمائة من رواتبهم وهم في ريعان الشباب وبعز العطاء هناك عقوبات حين يتم تأخير وصول الدواء والتحويلات الخارجيه ويترك أبناء حركة فتح وغيرها يتسولوا العلاج الذي هو حق مشروع هناك عقوبات حين يتم تهديد مستقبل أبناء الحركة وبقاء أبنائهم بدون عمل او فرص عمل وبدون عمل أي شيء بالبنية التحتية هناك عقوبات باستمرار الانقسام وعدم انهائه .
صدقوني العيب فينا وبقيادتنا بداية باللجنة المركزية لحركة فتح مرورا بالمجلس الثوري مرورا بالهيئة القيادية العليا العيب فينا بانهم جميعا لايضعوا خطه ولا احد يراجعهم ولا احد يتابع مايجري في قطاع غزه العيب فينا اننا نترك الأمور هكذا على فيض الله الكريم لا احد يعمل ولا احد مخلص يتابع العيب فينا حين لايكون هناك قرار ولا متابعه ولا حسم موقف حتى الان مشاكل في الشبيبة وفي المرآه وفي فعاليات كثيره والسبب عدم الحسم اكيد العيب فينا حين نتجاهل الكادر الفتحاوي المناضل الي بيبيض الوجه ونأتي بالسقط العيب فينا .
العيب فينا وبقيادتنا التي ظلمت بالداية النواه الصلبه لحركة فتح أبنائها الحقيقيين وقيادتنا تستبعد هؤلاء القيادات بالمشاركة وبكل شيء كيف يمكن ان يتم محاصرة المنشقين والخارجين عن الشرعيه بالأداء الصحيح وبعودة فتح صدقوني جزء كبير منهم سيعودون الى حضن الحركة لو تعاملت قيادتنا بشكل صحيح كثير منهم قرفان حاله عارفين الصحيح لاكن للأسف لا يوجد احد يحسم ويحل ويفكر بالاتجاه الصحيح العيب فينا العيب فينا العيب فينا .

مدينتي غزة

26 نوفمبر

وصلني مقال ن احياء مدينة غزه لا اعلم من كتبه ولكني اعجبت به كثيرا واعادني الى جماليات مدينة غزه الجميله القديمه التي لا اذكر منها الا القليل ولم يتبقى منها الا القليل والذكريات انشره كما وصلني ما اجملك يامدينتنا غزه وما احلى كل ذكرك .
كتبت بشهر يناير-2006

وبدى ابدا من شرقا واغرب…

السجاعية
اذا راح نبدا حكى عن السجاعية مش راح نخلص حكى
لأنوا مين فينا ما سمع عن شمشون ودليلا؟
ومين فينا ما بعرف ضريح شمشمون؟
ومين منا ما بعرف العواميد ؟ لا تقولولى مش عارفين العواميد((هاى العواميد تبعت القصر اللى الفلسطينية سجنوا فى شمشون اليهودى ولما طول شعروا قام هدوا على اللى فى ..وقال جملتوا الخالدة =على وعلى اعدائى=))
واكيد كتير منا بعرف شو سوا الأغراب اللى حكمونا باسم العروبة واللى دمروا معالم العواميد ووزعوها وفرفطوها على مدارس غزتنا مدرسة مدرسة ,قال مشان يعملوها مصاطب يقعدوا عليها التلاميذ..وطبعا راح معلم اساسى من معالمنا التاريخية ..ويمكن كتير منا يا اخوان نسى اشى اسموا منطقة العواميد…واللى مش عارف..يسأل الكبار..اكيد بذكروا وراح يحكولوا قصة العواميد..

على كل: بتضل السجاعية بأحيائها التركمان والجديدة وبتلتها الرابضة كالأسد =تلة المنطار=بتضل منبع الشجعان والأقوياء واكيد اسمها ما طلع من الهوى سجاعية لا لأنوا كل زلمة فيها شجاع ورجل ..وكل طفل فيها قادر على الصمود..

فكل التحية بل اكثر وكل الحب بل اكثر..للسجاعية…وزى ما قلت الحكى ما بخلص عن السجاعية..بس لازم نكمل حكينا عن كل منطقة من غزتنا…

الدرج يعنى شمال الغرب من السجاعية

غزة الدرج بضريح السيد هاشم جد الرسول
غزة الدرج بقلعة نابليون اللى كانت قصر الباشا زمن الخلافة العثمانية واللى صارت مدرسة الزهرة بعد هيك..
غزة الدرج اللى كان الدرج اللى كمان دمروا معالموا اخوانا العرب باسم العروبة وضيعوا معلم من معالم مدينتنا..بس ضل اسم الدرج مع انوا بمحل الدرج وعند منطقة الفواخير صار شارع اسموا شارع الوحدة..
كمان اللى ما بعرف قصة الدرج يسأل الكبار ..واكيد راح يحكولوا القصة..

فالف تحية محبة لأهل الدرج..اللى ضلوا صامدين حتى ولو بدون الدرج

بنضلنا مغربين عن السجاعية بس هاى المرة غرب الوسط لوسط مدينتي

الزيتون وحى بنى عامر
غزة الزيتون بشارع عمر المختار اللى قاسم البلد من اولها لآخرها نصين..
غزة الزيتون بخان الزيت
غزة الزيتون -بنى عامر-وبالجامع العمرى او الجامع الكبير اللى كان يا ماكان فى قديم الزمان قصر للملكة هيلانا..
وغزة الزيتون بحمام السمرة هادى الحمام التركى الوحيد اللى صمد وضل يحمل تراث وتاريخ
غزة الزيتون بكنيسة الروم وكنيسة اللاتين
غزة الزيتون بجامع الشمعه وجامع كاتب ولاية..تاريخ وما اروع تاريخنا يا اخوان
غزة الزيتون القديمة..بس هل يا ترى ضلت قديمة ؟؟؟
يمكن ضايل سوق القيصرية =اللى هوا سوق الدهب هلقيت=نحمد الله انوا لسة ضايل اشى من تاريخنا وباقى اشى تفتخر فيه مدينتنا=.
بس الأهم عندى اشياء باقية من جدودى القدام هناك..بتذكرنى كل يوم انى لازم احب غزة اكتر..ولازم انتمائى لغزة يضل اكبر واكبر..

والله انوا غزة بتجنن بس مين اللى يقدر؟؟؟؟

انسيت اشمل على التفاح…لا تواخذونى يا اخوان..
مين ما بعرف حى التفاح..اكيد ما حدا بنسى شجرة السدرة اللى صمدت بنص الطريق لا حدا خلعها ولا حدا راح يعرف يخلعها باذن الله؟!
واكيد ما حدا بنسى مدرسة يافا ..وبركة المية اللى بتطوف كل شتا…واكيد واكيد..

واذا غربنا على الوسط..بنوصل للصبرة..ودار جدى الله يرحموا ويشفعلوا ويرحم كل اموات المسلمين ويرحمنا جميعا …
قولوا اميييييييييييييييين!
الصبرة …مش اكتر من انى اقول انوا الصبر صبر ..والصبر يا اخوان ما قدر يصبر زى ما صبروا اهل الصبرة..وخمسطعشر سنة فاتوا بشهدوا على صبرنا ..ويا صبر ايوب صبرنا….وراح نصبر وضايلين للصبر مفتاح..

وبديش انسا عسقولة وساحة فلسطين -قلب غزة -وسوق فراس و بناية بلديتها,,واكتر..بس خلينى اكمل حدودنا..

اذا غربنا كمان بنوصل للرمال…
ايش بدى اقول يا رمال.. مش هدول بكفوا؟
لا والله ما بكفوا..الرمال الجندى المجهول..والرمال شارع عمر المختار والرمال الجامعات والمؤسسات والمرجعيات والنقابات والادارات ومش بس هيك حدا بنسى مستشفى الشفا…

ومن شمال الرمال النصر..ومن جنوب الرمال الشيخ عجلين

وآخر الغرب..مخيم الشاطىء..اللى فى اولادنا اللى اتهجروا ممن قضاء غزة..والتجئوا عنا بكل الحب والود والترحيب..

حقلنا نعشق هالبلد..مش بحقلنا نبوس ترابها…مش بحقلنا نموت وبالدم نضحى ..وبالروح تفدى ..والعرق نصب مشان تضل بلدنا….((بحقلنا والا لا؟؟))والله غير الخسيس اللى بقول ما بحقلنا..

هاى غزة اللى انولدنا فيها وحفيت رجيلنا بحواريها وبشوارعها..شارع شارع وحارة حارة..

هاى غزة اللى هزمت كل عدو وما انهزمت..وطردت كل غريب اوضلت..من زمن …الانجليزى والفرنسى والاسرائيلى..هاى غزة فخرنا وعزنا ..

اللى رحبت باولاد فلسطين اللى اتهجروا من العدوان ومن النكبة ومن النكسة ومن الظلم…اللى حبت كل فلسطين ..واحتوت كل فلسطين ..واللى اولادها ما بخلوا لفلسطين بالدم وبالعرق وبالروح ..هاى هى بلدنا

تبقين يا غزة …عنقاء لا تختفين …تحترق الدنيا وانت تعودين

يافعة كزهرة ربيعية حمراء..لك الحب ..وقلبك حب …

هى غزة بأس شديد…..دافئة مع كل حبيب..

تبقى امامها شافعى..وعزيزها هاشمى ..وتاجها عمرى…

رايتك خفاقة تعلو ا للسماء..باقية و نحن لك الاوفياء

15-01-2006